"සලා..........ං "
තම බිළිඳා අතට ගන්නවාත් සමගම බත් පිඟාන බිම පතිත වන හඬ ඇගේ දෙසවනට යොමු වුව ද එම හඬ ඇයට දැන් නුහුරු නුපුරුදු නොවූවකි.තම බිළිඳා ඇකයෙහි හොවා ගනිමින් ලෑලි ඇඳ මත සුව නින්දක සිටින තම තෙහැවිරිදි වැඩිමහල් පුතු දෙස සෙනෙහෙබර බැල්මක් හෙළුවා ය.
ඉන්දි හා ජයන්ත විවාහ වූයේ මීට සිව් අවුරැද්දකට පෙර දී ය.ජයන්ත ඉන්දිට වඩා දස අවුරුද්දක් වැඩිමහල් විය. නමුත් එම වයස් පරතරය ඔවුන් දෙදෙනාගේ ආදරයට බාධාවක් නොවීය.දෙදෙනා හමුවූයේ මීට වසර අටකට ඉහත දී ය. තම වැඩිමහල් සොයුරියගේ නිවසට පැමිණි ඉන්දිට ජයන්තව මුල්ම වතාවට හමු විය.
දරුවන් තිදෙනෙකුගෙන් සමන්විත පවුලේ බඩපිස්සා වූ ජයන්ත උසට සරිලන දේහයක් හිමි කඩවසම් තරුණයෙකි.- ඉන්දි ද කාන්තාවකට තිබිය යුතු මනා අඟපසඟකින් යුත් දුටුවන්ගේ ආකර්ෂණය හිමි වන පැඟිරි වියේ පසු වූ යුවතියකි.ඇයගේ දෙමව්පියන් ඇයට පෞද්ගලික ආයතනයක රැකියාවක නිරත වන තරුණයකු යෝජනා කර තිබුණ ද ඇය එම යෝජනාව ප්‍රතික්ෂේප කළේ ඒ වනවිටත් ඇයගේ සිත්ගත් කුමරාට තම කුළුඳුල් ප්‍රේමය පූජාකර තිබූ බැවිනි.නිවැසියන්ට හොරා දළුලා වැඩෙමින් තිබූ මෙම ප්‍රේම සබඳතාව කල්ගත වන විට කාටත් රහසක් නොවීය.
"අනේ පුතේ.... උඹට ඒ මනුස්සයා ගැළපෙන්නේ නෑ.ඌ මහ නාහෙට අහන්නැති එකා."
No comments:
Post a Comment